«Halyqaralyq baǵdarlamalar ortalyǵy» AQ prezıdenti Janbolat Meldeshov búgingi tańda TMD elinde tanymal bıznes-trener, teolog Shamıl Alıaýtdınovpen kezdesti.
Shamıl óziniń qoǵamdyq leksııalary kezinde HBO aıasyndaǵy bilim baǵdarlamalary týraly birneshe ret aıtqan bolatyn. Teologtyń pikirinshe, sapaly bilim alý men eline paıda tıgizý- óz ómirińdi basqa deńgeıge kóterý.
«25 jyl ishinde júrgizilip kele jatqan prezıdenttik bul baǵdarlama – óte mańyzdy. Baǵdarlama negizinde memleket múmkindik usynyp, eń mańyzdysy, shetelde oqýyna qajetti qarjylaı kómek kórsete otyryp, elge qaıtyp kelip eńbek etýlerin ótinip otyr. «Bolashaq» - keremet baǵdarlama» dep atap ótti Shamıl Alıaýtdınov.
«Trıllıoner» jobasy avtorynyń aıtýynsha, shetel tilinde bilim alý dúnıetanymyn keńeıtip qana qoımaı, tulǵanyń jan-jaqty damýyna áser etedi.
«Adam bilim ala otyryp, onyń ishinde kúndelikti alýǵa bolatyndaı bilim sheńberinen shyǵa otyryp, dúnıege keńirek qaraı bastaıdy. Al eger siz shet tilinde bilim alatyn bolsańyz, onda álemge degen kózqarasyńyzdyń aýqymy, kólemi, tipti saraptamańyz da ózgere bastaıdy. Bul – óte mańyzdy» - dep atap ótti bıznes trener.
Teolog Janbolat Meldeshovpen jáne «Halyqaralyq baǵdarlamalar ortalyǵy» jumysy jaıly alǵan áserin áleýmettik jelide bólisti.